Ministri Gordan Grlić Radman ishte për një vizitë zyrtare në Republikën e Kosovës, ku mori pjesë në kremtimin e 720 vjetorit të përmendjes së parë me shkrim të Janjevës, diasporës më të vjetër kroate.
“Kroatët në Kosovë e ruajtën identitetin e tyre për shtatë shekuj me ndihmën e gjuhës dhe besimit katolik. Vendosja e lidhjeve të drejtpërdrejta me Kroacinë ua forcoi ndjenjën se edhe ata janë pjesë e kombit kroat, për më tepër diaspora e saj më e vjetër historikisht dhe Kroacia atdheu i tyre”, tha ministri Grlić Radman.
Ai iu referua situatës në të cilën jetojnë kroatët në Kosovë dhe theksoi se kujdesi për të gjithë kroatët jashtë Republikës së Kroacisë është pjesë përbërëse e politikës së Qeverisë së Republikës së Kroacisë. Ai theksoi se ka një dialog të rregullt me institucionet dhe autoritetet e Kosovës për problemet dhe pozitën e minoritetit kroat në Kosovë.
“Ne dëshirojmë që kroatët në Kosovë të gëzojnë të gjitha të drejtat që gëzon komuniteti shqiptar në Kroaci, në rend të parë të garantohet siguria personale dhe mbrojtja e pronës, përmirësimi i infrastrukturës dhe që kroatët si pakicë të njihen në Kushtetutën e Kosovës”, ka theksuar ministri.
Në bisedën me kryeministren e Kosovës, Albina Kurti dhe ministren e Punëve të Jashtme dhe Diasporës, Donika Gërwalla Schwarz, u theksua se Kroacia dhe Kosova janë dy vende mike që kanë marrëdhënie të shkëlqyera bilaterale, rezultat i te cilave janë shkëmbime intensive të vizitave bilaterale. Javën e kaluar, ministri i mbrojtjes së Kosovës, Armend Mehaj, vizitoi Zagrebin dhe kjo vizitë sigurisht që do të shërbejë si një premtim për forcimin e mëtejshëm të bashkëpunimit dypalësh dhe intensifikimin e dialogut të ndërsjellë ndërmjet vendeve tona tradicionalisht mike.
“Në bisedën me nikoqirët, edhe një herë theksuam mbështetjen e fuqishme që Republika e Kroacisë i jep anëtarësimit të Kosovës në të gjitha organizatat ndërkombëtare, përfshirë Këshillin e Evropës dhe Bashkimin Evropian, dhe përshëndetëm liberalizimin e afërt të regjimit të vizave mes BE-së dhe Kosovës”, theksoi ministri.
Në fund të vizitës, ministri Grlić Radman u takua me pjesëtarët e kontingjentit kroat të 38-të të misionit KFOR të NATO-s, angazhimi i të cilëve ka për qëllim ruajtjen e paqes dhe stabilitetit në Kosovë, si dhe me zëvendëskomandantin e KFOR-it, József Szpisják.
News
