<p style="text-align: justify;">
Претседателот на Владата на Република Северна Македонија, Зоран Заев, се сретна со Данијела Баришиќ, амбасадорка на Република Хрватска во Република Северна Македонија, која го завршува нејзиниот мандат во земјава.</p>
<p style="text-align: justify;">
На средбата се изразени честитки за досега сработеното од страна на премиерот Заев и на промени ќе продолжат со досегашното ефикасно темпо. Исто така изразена е поддршка за интеграциите на Република Северна Македонија.</p>
<p style="text-align: justify;">
Разговарано е за важноста од ефикасното справување со криминалот и корупцијата и во таа насока, од донесување на законот за јавно обвинителство.</p>
<p style="text-align: justify;">
„Ги поставивме, како Влада, сите предуслови за функционална правна држава. Очекуваме тој процес да го заокружиме со скорешно донесување на законот за јавно обвинителство во Парламентот. Интеграциите во НАТО и очекуваниот датум за почеток на преговорите со ЕУ ги дадоа првичните резултати со раст на економијата. Повисоки плати и раст на стандардот на граѓаните е она на што сме силно фокусирани“, рече премиерот Заев.</p>
<p style="text-align: justify;">
Претседателот на Владата, Заев изрази голема благодарност до амбасадорката Баришиќ за нејзиниот личен придонес за надминување на најтешките моменти во обновата на демократските процеси во земјава, како и до Република Хрватска којашто е традиционален и искрен пријател и поддржувач на Република Северна Македонија.</p>
<p style="text-align: justify;">
На состанокот е соопштено дека напредокот на евро интеграциите на нашата држава и проширувањето на ЕУ ќе бидат во фокусот на хрватското претседателство со Советот на ЕУ кое започнува од 1-ви јануари 2020 година.</p>
<p style="text-align: justify;">
(izvor: <a href="https://vlada.mk/node/18821">https://vlada.mk/node/18821</a>)</p>
Press releases
