Средба на министерот Спасовски со министерот за внатрешни работи на Хрватска

<p style="text-align: justify;"> Mинистерот за внатрешни работи Оливер Спасовски денеска оствари работна средба со хрватскиот министер за внатрешни работи г-дин Давор Божиновиќ на која се разговараше за актуелни теми од областа на безбедноста, како и за натамошната соработка меѓу двете министерства.</p> <p style="text-align: justify;"> Партнерството и соработката со хрватското МВР и генерално со Република Хрватска, потенцира министерот Спасовски, за Министерството за внатрешни работи на Република Северна Македонија е од исклучително значење.</p> <p style="text-align: justify;"> Министерот Спасовски му се заблагодари на својот хрватски колега за помошта на хрватското МВР во заедничкото справување со миграциската криза, но и за сите последователни активности за еден заеднички регионален пристап во превенирањето и справувањето со миграциите и потенцијалните проблеми што тие ги носат.</p> <p style="text-align: justify;"> Министерот Божиновиќ потенцира дека Република Хрватска ќе и помогне на патот на Република Северна Македонија кон НАТО и ЕУ, а, во таа насока е и фактот дека за неколку дена оваа пријателска држава ќе го ратификува протоколот за членство на Република Северна Македонија во НАТО.</p> <p style="text-align: justify;"> Работната средба се одржа во пресрет на отпочнувањето на дводневнатата Министерска конференција од &ldquo;Брдо процесот&ldquo;, односно Третиот состанок на Управниот одбор на иницијативата за интегрирано управување со внатрешната безбедност (ИИЦГ), што ќе се одржи утре и задутре во Скопје, а чиј домаќин е МВР.</p> <p style="text-align: justify;"> (izvor: <a href="https://mvr.gov.mk/vest/8615">https://mvr.gov.mk/vest/8615</a>)</p>

Press releases