Твининг проект со Хрватска: Засилена внатрешна контрола во институциите

<p style="text-align: justify;"> Македонските ќе учат од искуствата на европските институции, како да ја унапредат внатрешната контрола. Денеска официјално започна твининг проектот &bdquo;Понатамошно подобрување на системот на внатрешна контрола&ldquo;, финансиран од Европската унија, а кој го спроведува Министерството за финансии во соработка со Министерството за финансии на Република Хрватска.</p> <p style="text-align: justify;"> Како што истакна министерот за финансии Драган Тевдовски, се прават реформи во управувањето со јавните финансии, кои ќе го подобрат квалитетот на менаџирањето, ќе ја зголемат транспарентноста и отчетноста, а истовремено ќе придонесат за успешно спроведување на преговорите за влез во ЕУ.</p> <p style="text-align: justify;"> Владата на Република Македонија е посветена на спроведување на реформи во управувањето со јавните финансии, поради што ја донесе Програмата за реформа во управувањето со јавни финансии, во чии рамки еден од приоритетите е Внатрешна контрола. Реформата во оваа област е дел од процесот на подготовка на нашата земја за успешно спроведување на преговорите за влез во ЕУ од поглавјето 3.32 Финансиска контрола. Дополнително во завршна фаза е подготовката на документот &bdquo;Политика за јавна внатрешна финансиска контрола 2019-2021&ldquo; кој е стратешки документ за понатамошен развој на системот за внатершна контрола во јавниот сектор&ldquo;- рече министерот за финансии Драган Тевдовски.</p> <p style="text-align: justify;"> Фрејк Јанмат од Делегацијата на Европската унија, рече дека твининг проектот ќе придонесе за подобрување на регулативата, развој на алатки за подобра контрола и внатешна ревизија, подобрување на капацитетите на институциите на локално и централно ниво, како и подобар надзор на Централната единица за хармонизација, која се наоѓа во Мнистерството за финансии.</p> <p style="text-align: justify;"> Даниела Степиќ, од Министерството за финансии на Хрватска, која е проектен лидер, истакна дека една од придобивките на проектот ќе биде и финализирање на новиот Закон за јавна внатрешна финансиска контрола, хармонизиран со европската регулатива.</p> <p style="text-align: justify;"> (Izvor: <a href="https://www.finance.gov.mk/mk/node/7662">https://www.finance.gov.mk/mk/node/7662</a>)</p>

Press releases