Средба на министерот Адеми со хрватскиот амбасадор во Македонија

<p style="text-align: justify;"> Министерот за култура Асаф Адеми денеска во Министерството за култура оствари работна средба со амбасадорката на Република Хрватска во Република Македонија, Данијела Баришиќ .</p> <p style="text-align: justify;"> На средбата беа потенцирани традиционалнo добрите културни врски помеѓу двете земји, кои се потврдени и со потпишувањето на петтата Програма за соработка&nbsp; за периодот 2016-2019 година, а се разговараше и за интензивирање на активностите со кои би се продлабочила соработката меѓу институциите од областа на културата.</p> <p style="text-align: justify;"> Двајцата соговорници ја истакнаа одличната соработка помеѓу Министерството за култура и Амбасадата на Република Хрватска во Република Македонија која во изминатиот период се карактеризираше со реализација на повеќе проеки и гостувања на македонски и хрватски уметници на манифестациите во двете земји.&nbsp; Особено интензивна и успешна е соработката меѓу двете држави и националните комисии во доменот на заштитата на културното наследство, а забележителна е и соработката на двете држави во реализацијата на заеднички проекти во рамките на Регионалните мрежи на националните комитети на Меѓународниот совет на музеите - ИКОМ и на Меѓународниот совет за споменици и локалитети - ИКОМОС.</p> <p style="text-align: justify;"> Адеми и Баришиќ на средбата разговараа и за идните активности со кои би се продлабочиле културните врски меѓу Македонија и Хрватска. Во тој контекст Адеми информираше дека во 2018 година, Министерството за култура ја поддржа реализацијата на солистички концерти на флејтистот Страшо Темков во Макарска, Омиш, Трогир и Хвар, Здружението &bdquo;Романо Ило&ldquo; ќе се претстави во Пула, додека Марија Милошевска ќе го реализира визуелниот перформанс &bdquo;Уметноста е жива&ldquo; во Ровињ.</p> <p style="text-align: justify;"> (Izvor: <a href="http://www.kultura.gov.mk/index.php/odnosi-so-javnost/novosti/4218-sredba-na-ministerot-za-kultura-ademi-so-hrvatskiot-ambasador-vo-makedonija">http://www.kultura.gov.mk/index.php/odnosi-so-javnost/novosti/4218-sredba-na-ministerot-za-kultura-ademi-so-hrvatskiot-ambasador-vo-makedonija</a>)</p>

Press releases