<p style="text-align: justify;">
Министеркaта без ресор задолжена за странски инвестиции, Зорица Апостолска, денес оствари работна средба со амбасадорката на Република Хрватска во Република Македонија, Данијела Баришиќ.</p>
<p style="text-align: justify;">
На средбата се разговараше за економско-трговските релации помеѓу двете земји, за можностите кои Македонија ги нуди за инвеститорите и нивното искористување од страна на хрватски компании. </p>
<p style="text-align: justify;">
Информирајќи ја амбасадорката за поддршката која компаниите може да ја очекуваат од Владата, од страна на министерката Апостолска беше истакнато дека со донесувањето на Законот за финансиска поддршка за инвестициите и правилниците за аплицирање се заокружи правната регулатива и се нуди правна сигурност за секој потенцијален инвеститор.</p>
<p style="text-align: justify;">
На средбата стана збор за успешни хрватски компании кои работат во Македонија, при што заеднички беше констатирано дека нивното искуство може да биде позитивен сигнал и за други хрватски компании да започнат да размислуваат за реализација на инвестиции во земјава.</p>
<p style="text-align: justify;">
Во насока на понатамошно развивање на економската соработка помеѓу двете држави, на средбата се разговараше и за конкретни бизнис настани во Хрватска, а на кои министерката Апостолска би имала можност да ги претстави условите за инвестирање во Македонија.</p>
<p style="text-align: justify;">
(izvor: <a href="http://vlada.mk/node/14947">http://vlada.mk/node/14947</a>) </p>
Press releases
