Shfaqja e dramës “Kukulla” nga Miro Gavran në Shqipëri

Në Fier, Tiranë dhe Shkodër, më 9, 10 dhe 12 prill 2026, u shfaq drama „Kukulla“ e autorit Miro Gavran, një nga dramaturgët bashkëkohorë kroatë më të përkthyer dhe më të vënë në skenë.
Shfaqja u mbajt në Teatrin „Bylis“ në Fier, në Teatrin „Metropol“ në Tiranë dhe në Teatrin „Migjeni“ në Shkodër, me përshtatje dhe regji të Naser Shatrollit, si dhe në produksion të Shoqatës Teatrore Shqiptare në Kroaci „Mërgimtari“. Rolet kryesore u interpretuan nga Leonard Hamitaj dhe Qëndresa Jashari.
Shfaqjet u realizuan me mbështetjen financiare të Këshillit për Pakicat Kombëtare të Republikës së Kroacisë.
Drama „Kukulla“ trajton marrëdhëniet bashkëkohore dhe çështjen e autenticitetit në marrëdhëniet ndërnjerëzore, duke shqyrtuar kufijtë ndërmjet reales dhe imazhit të idealizuar të partneritetit në shoqërinë e sotme.
Vënia në skenë e kësaj vepre të Gavranit në Shqipëri konfirmon edhe një herë praninë e letërsisë dhe teatrit kroat në hapësirën kulturore ndërkombëtare, si dhe rëndësinë e bashkëpunimit me komunitetin dhe institucionet kulturore shqiptare.
Ambasada e Republikës së Kroacisë në Republikën e Shqipërisë përshëndet iniciativa të tilla që kontribuojnë në forcimin e lidhjeve kulturore dhe mirëkuptimit të ndërsjellë ndërmjet dy vendeve.

News