Nënshkruhet marrëveshja e bashkëpunimit ndërmjet Ambasadës së Republikës së Kroacisë në Tiranë dhe Unionit të Këshillave Studentorë të Shqipërisë

Ambasadori i Republikës së Kroacisë në Republikën e Shqipërisë, Prof. Dr. Zlatko Kramarić, dhe Kryetarja e Unionit të Këshillave Studentorë, Valbona Halitaj, nënshkruan sot, më 13 shkurt 2026, marrëveshjen e bashkëpunimit për zbatimin e projektit “Dialogët e të Rinjve mbi Rrugën e Shqipërisë drejt Bashkimit Evropian.”

Projekti përfshin organizimin e tryezave të rrumbullakëta me të rinjtë gjatë muajve prill dhe maj në pesë qytete të Shqipërisë, ku do të diskutohet mbi procesin e anëtarësimit të Shqipërisë në Bashkimin Evropian, forcimin e pjesëmarrjes qytetare dhe promovimin e vlerave evropiane, me theks të veçantë në rolin e Republikës së Kroacisë në promovimin e tyre.

Në takimin dhe ceremoninë e nënshkrimit morën pjesë edhe anëtarët e Bordit Drejtues të Unionit të Këshillave Studentorë, si dhe diplomatët e Ambasadës së Republikës së Kroacisë në Tiranë.

News